சிகரெட் *வாசனை செண்டாய்* இங்கு அடிக்கும்
சீப்பு கூட கோபம் வந்து மூலையில் கிடக்கும்
சன்னலோர* கண்ணாடியோ
சாலையில் போகும் பெண் படம் பிடிக்கும்
அழுக்கு துணிகள் அலங்காரமாய் கொடி பிடிக்கும்
அறை முழுதும் குப்பைகளோ குட்டி கரணம் அடிக்கும்
பீர் பாட்டில் பிராந்தி பாட்டில் *மோதி இங்கு வெடிக்கும்
பிரியாணி பொட்டலம் தான் சம்பள தேதியில் போர் வடிக்கும்
வீட்டுகாரர் வாடகைக்கு வந்தால்
வெளியூர் போய் வந்ததுபோல் நடிக்கும்
விடிந்து விட கூடாதென வேலை செல்ல
விழிகளோ சண்டை பிடிக்கும்
வார பத்திரிக்கை வயசுக்கு வந்து
வாழ்த்தாய் சேலை பக்கம் கிழிக்கும்
புது படங்கள் போட்டு பாக்க
பூட்டோ வாசல் கதவில் கிடக்கும்
புது சமையல் செஞ்சு பாக்க
பொறுப்பு வந்து குதிக்கும்
தீஞ்சுபோன சாப்பாடுகூட
தேனாய்தான் புதிதில் இனிக்கும்
மாச கடைசி வந்தா மட்டும்
மனதில் கவலை பிடிக்கும்
மறந்து போன குடும்ப நினைவோ
மறு நொடியில் மகிழ்ச்சி பறிக்கும்
பிரிந்து போன நண்பர்களுக்கு கல்லறையாய் இது இருக்கும்
இது பேச்சிலரு ரூமுங்கோ *
* ஆங்கிலச் சொல் மற்றும் பிறமொழிச் சொல்
கருத்துகள் இல்லை:
கருத்துரையிடுக